Ana 2 yaşlı körpəsinin yeməyinə kimyəvi maddə qataraq öldürdü

İstanbulda qan donduran hadisə baş verib.

Sonxeber.az türk mediasına istinadən xəbər verir ki, Dilek C. adlı qadın 2 yaşlı körpəsinə tiner içirib.

İddiaya görə, Kırıkkaledə yaşayan Dilek Ç. (23) və sevgilisi Y.E.-nin nikahdankənar uşaqları olub.

Ata Y.E uşaqdan imtina etdikdən sonra Dilek Ç uşağına tək baxıb.

Hadisə baş verən gün Bağcılarda parkda olan ana körpənin yeməyinə tiner qatıb.

2 yaşlı Emre Ç. şüşədəki tineri içib.

Zəhərlənən körpə Fatehdəki xəstəxanaya çatdırılıb.

2 ay reanimasiyada qalan uşaq dünən xəstəxanada dünyasını dəyişib.

Polis qrupları uşaq kimyəvi zəhərlənmə diaqnozu ilə xəstəxanaya aparıldıqdan sonra ana və atanı nəzarətə götürüb.

Polis bölməsində sorğu-sual zamanı ana övladının nikahdankənar doğulduğunu və atasının ona baxmadığı üçün depressiyaya düşdüyünü, bu hadisəni də ona görə törətdiyini bildirib.

Qadın məhkəmə tərəfindən həbs olunaraq həbsxanaya göndərilib.

Telegramda izləyin