Təqsirləndirilən şəxs məhkəmədə divara kəllə atdı

İspaniyada keçirilən məhkəmədə şahid ifadə verərkən qaçaraq başını divara çırpıb.

Sonxeber.az xarici mediaya istinadən xəbər verir ki, İspaniyanın Madrid şəhərində bir cütlük "Dəli (El Chalao)" və "Fat (El Gordo)" ləqəbli şəxslərin onlara bıçaqla hücum etdiklərini iddia edərək şikayət ərizəsi yazıb.

Zərərçəkmiş cütlük əvvəlcə müttəhimləri tanıyıb hadisəni ətraflı izah edib, lakin, məhkəmədə "Şəxsləri tanımırıq, hadisəni xatırlamırıq" deyiblər.

Onlar məhkəmədə ifadə verərkən "Dəli" ləqəbli müttəhim qəfildən oturduğu yerdən ayağa qalxaraq qaçaraq divara kəllə atıb.

Məhkəmə zalında heç kim nə baş verdiyini anlaya bilməyib, lakin müttəhimin bu hərəkəti iclasa mane olmaq cəhdi kimi qiymətləndirilib. Məhkəmə-tibb eksperti təqsirləndirilən şəxsin psixoloji vəziyyətinin ağır olmadığını müəyyənləşdirib və iclas davam edib.

Dəlil olmadığı üçün hər iki təqsirləndirilən şəxsə bəraət verilib.

Hakim həmçinin yalan ifadə verməkdə şübhəli bilinən zərərçəkmiş ər-arvadın barəsində istintaq başlanılmasını təklif edib.

Telegramda izləyin