Bu fəndlərlə həyatınız ASAN OLACAQ

Müsbət əhval-ruhiyyəni qorumaq üçün orijinal, lakin sadə həll yolları təklif edir.

BAKU.WS xarici mediaya istinadən həmin yolları təqdim edir.

"Qorxu filmləri izləyin"

Əgər həyatınız bir anda mənasız görünürsə, ən qorxulu filmləri izləməyə başlayın. Qorxu filmləri beyninizi yeni baxış bucağı ilə düşünməyə vadar edir. Zombiyə çevrilmədiyiniz və manyakla bağ evində tək qalmadığınız üçün özünüzü daha yaxşı vəziyyətdə hiss edəcəksiniz. Bu, narahatlıq hissini azaldaraq ətraf mühiti daha aydın qiymətləndirməyə kömək edəcək.

"Mətbəxinizi mavi rəngdə edin"

Daim pəhrizdə olanlar üçün ən uyğun mətbəx rəngi mavidir. Mavi rəng iştahı azaldır, qırmızı isə iştahı artırır. Mətbəx avadanlıqlarını və ya boşqabları mavi rəngdə seçməklə də qida qəbulunu azaltmaq mümkündür.

"Məlumatı detallı verin"

Sözlərinizə inanılmasını istəyirsinizsə, məlumatı bir neçə detal ilə müşayiət edin. Bu, yalan olmamalıdır. İnsanlar, detalların olduğu məlumatlara daha çox inanır, çünki bu, təsadüfi yalanlardan fərqli görünür. Amma bunu həddindən artıq etməyin: həddindən çox məlumat yığılması yalan kimi qəbul edilə bilər.

"Üç yox" qaydasından istifadə edin"

Üç "hə" qaydasını çoxları eşidib: vacib sualın cavabını almaq üçün əvvəlcə müsbət cavab tələb edən suallar vermək tövsiyə olunur. Lakin üç "yox" qaydası daha təsirli ola bilər. Məsələn, bir həmkarınızdan yeni bir ideya ilə bağlı məsləhət almaq istəyirsinizsə, ona belə sual verin: "Səni narahat etdim? Daha sonra gəlimmi?". Bu, qarşı tərəfi rahatlaşdırır və danışıq üçün uyğun atmosfer yaradır.

"Məlumatı izah edərək yadda saxlayın"

Məlumatı yadda saxlamağın ən yaxşı yolu onu başqasına izah etməkdir. Bu, beyininizdən daha aktiv işləməyi tələb edir: əsas məqamları seçmək və sadə dildə ifadə etmək üçün məlumatı yenidən düşünmək lazımdır. Üstəlik, bu zaman yaranan əlavə assosiasiyalar məlumatın daha yaxşı yadda qalmasına kömək edir.

"Həddindən artıq pozitivliyə aldanmayın"

Yeni tanışınız həddindən artıq səmimi və dostcasına görünməyə çalışırsa, ehtiyatlı olun. Xüsusilə işgüzar münasibətlərdə belə davranış şübhə doğura bilər. Bunun əvəzinə, maraqlandığınız insanlar haqqında müsbət fikirlərinizi onların ətrafında paylaşın - bu məlumatın özlərinə çatacağı ehtimalı böyükdür.

"Düşmənləri" yaxın saxlayın"

Psixoloji olaraq insanlar yaxınlıqda olan birinə qarşı aqressiv davranmaqda çətinlik çəkirlər. Əgər xoşagəlməz bir görüşünüz varsa, mümkün qədər yaxın oturaraq qarşı tərəfin sərtliyini azaltmaq mümkündür.

Telegramda izləyin