Küçəyə atılan at soyuqdan dondu

Ötən gün havanın temperaturu mənfi 1 dərəcəyə çatan Ərzurumda sahibsiz at yolun ortasında donub.

Sonxeber.az türk mediasına istinadən xəbər verir ki, hadisə Türkiyənin ən soyuq vilayətlərindən biri olan Ərzurumun Yakutiye mahalında baş verib. Belə ki, tutduğu xəstəlik səbəbindən sahibi tərəfindən küçəyə atılan at mənfi 1 dərəcəyə çatan soyuqdan donub.

Həmin anların görüntüləri sosial şəbəkələrdə sürətlə yayılıb.

Bir müddət sonra vətəndaşlar Ərzurum Böyükşəhər Bələdiyyəsinə zəng edərək məlumat veriblər. Xəbər üzərinə hadisə yerinə gələn qruplar sahibsiz atı heyvan sığınacağına aparıb.

Telegramda izləyin