Onu aldatdığını düşündüyü üçün arvadını boğaraq öldürdü

Hadisə səhər saat 04:00 radələrində Türkiyədə Esenyurt Süleymaniyyə məhəlləsi, 753 küçəsində baş verib.

Sonxeber.az xarici mediaya istinadən xəbər verir ki, iddialara görə, Sadıq Aras arvadının onu aldatdığını düşündüyü üçün 32 yaşlı həyat yoldaşı Filiz Arasla mübahisə edib.

Mübahisə böyüdükcə Filiz Aras evdən çıxmaq istəyib. Lakin ər bu vəziyyətə əsəbiləşib və arvadını yataqda boğaraq həyatına son qoyub.

Sadıq Aras hadisədən sonra polisə zəng edərək "Arvadımı öldürdüm. Gəlin məni aparın" - dedi. Hadisə yerinə gələn polis və tibb qrupları Filiz Arasın öldüyünü müəyyən ediblər.

Şübhəli Sadıq Aras polis qrupları tərəfindən saxlanılıb. O, ilk ifadəsində arvadının onu aldatdığını və evdən çıxmaq istəyəndə onun qarşısını aldığını və onu boğaraq öldürdüyünü bildirib.

Polis hadisə ilə bağlı işini davam etdirir.

Vüsalə İbrahimli

Telegramda izləyin