Meşəyə ova gedən kişi ehtiyyatsızlıq üzündən həyatını itirdi

Sakaryanın Adapazarı rayonunda Hüseyin Karaoğlan adlı kişi ovda olan zaman ehtiyyatsızlıq səbəbi ilə dünyasını dəyişib.

Sonxeber.az türk mediasına istinadən xəbər verir ki, Hüseyn Karaoğlan və dostu M.S səhər saatlarında ov etmək üçün meşəyə gediblər.

Meşədə M.S qabaqda gedən dostu Hüseyinə ov tüfəngi ilə bilmədən atəş açaraq xəsarət yetirib.

O, dərhal təcili tibbi yardıma məlumat verib. Əraziyə gələn həkimlər yaralını xəstəxanaya çatdırıb. Lakin bütün müdaxilələrə baxmayaraq Karaoğlan həyatını itirib.

Faktla bağlı başlanılan istintaq zamanı saxlanılan M.S. polis tərəfindən saxlanılıb.

O məhkəmə tərəfindən polis nəzarəti şərti ilə azadlığa buraxılıb.

Hüseyn Karaoğlanın cənazəsi xəstəxanada aparılan əməliyyatlardan sonra yaxınlarına təhvil verilib.
O bu gün Qazi Süleyman Paşa məscidində qılınan cənazə namazından sonra ailə qəbiristanlığında torpağa tapşırılıb.

Faktla bağlı istintaq davam edir.

Telegramda izləyin