Çimmək üçün hamama getməsi ölümü ilə nəticələndi

Niğdedə bir hamamda işləyən 65 yaşlı Ş.A. və ora müştəri kimi gələn 55 yaşlı B.N. dəm qazından zəhərlənərək dünyasını dəyişib.

Sonxeber.az türk mediasına istinadən xəbər verir ki, hadisə Niğdenin Bor rayonunda baş verib.

Rayon ərazisindəki hamamın kişi bölməsinə gələn B.N. və oranın işçisi Ş.A.-nın yerdə hərəkətsiz vəziyyətdə olduğunu görənlər təcili tibbi yardıma və polisə məlumat verib.

Xəbər üzərinə təcili tibbi yardım və polis və hamama gəlib.

Həkimlər B.N. və Ş.A zəhərlənərək öldüklərini müəyyən ediblər.

AFAD əməkdaşları hamamda araşdırma aparıb və müəyyən ediblər ki, sobadan yüksək miqdarda dəm qazı sızıb.

Meyitlər incələnmə üçün tibbi ekspertizaya aparılıb.

Hadisə ilə bağlı araşdırma başladılıb.

Telegramda izləyin