Qadın üzünə maska taxıb qonşusunun evinə oğurluğa girdi

Samsunda qadın qapısı açıq qalan qonşusunun evinə girərək onun bilərziklərini oğurlayıb.

Sonxeber.az türk mediasına istinadən xəbər verir ki, hadisə Samsunun Atakum mahalının Körfez rayonunda baş verib.

İraq əsilli H.A (68) adlı qadın həmin binada yaşayan ev sahibinə kirayəni ödəmək üçün evinin qapısını açıq qoyaraq çıxıb.

Bu vaxt qonşu E.B (45) adlı qadın maska taxaraq evə daxil olub.

İraqlı yaşlı qadın evə gəldiyi zaman evin yataq otağından tıqqıltı səsləri gəldiyini eşidib. Bu zaman o maskalı qadınla rastlaşıb.

E.B. qadının üstünə cumub, vazanı sındırıb və hətta qadının qolundakı 6 qızıl bilərziyi oğurlayıb.

Bu zaman oğrunun maskasını çıxarmağı bacaran ev sahibi onun qonşu qadın olduğunu görəndə şoka düşüb.
E.B. qızıl bilərziklərlə evdən qaçıb.

Hadisə zamanı H.A.-nın qolu sınıb və başından yaralanıb. O, təcili xəstəxanaya aparılıb.

H.A.-nın şikayəti üzərinə E.B polis tərəfindən saxlanılıb.

Polisdəki ifadəsi tamamlanan E.B. məhkəməyə göndərilib.

Faktla bağlı istintaq davam edir.

Telegramda izləyin