Ağzına eyni zamanda 4 burger sığışdıra bilir

Amerikalı qadın dünyanın ən böyük ağzına malik qadın kimi tanınıb.

Lent.az-ın xəbərinə görə, o, ağzına eyni anda dörd burger sığdıra bilir.

Konnektikutdan olan Samanta Ramsdeli diş Həkimlərinin arzusu adlandırmaq olar.

Həkim Ginnesin rəsmi hakiminin iştirakı ilə onun ağzını ölçmək üçün rəqəmsal kaliperdən istifadə edib. Qadının ağzının hündürlüyünün 6,52 sm, eninin isə 10 sm olduğu məlum olub. O, bütöv bir yaşıl almanı ağzına soxa bilir.

Semin dediyinə görə, orta məktəbdə onu böyük ağzına görə lağa qoyublar. Amma indi o, öz bu özəlliyini sevməyə və qəbul etməyə başlayıb.

Ramsdell ümid edir ki, onun nümunəsi öz qüsurlarını qəbul etməyən başqalarına ilham verə bilər.

Telegramda izləyin