Suriyada tarixi günlər yaşanır

Suriyada tarixi günlər yaşanır. 27 noyabrda müxalifət qüvvələri tərəfindən başlanan əməliyyat Bəşər Əsədin hakimiyyətinə 12 gün ərzində son qoydu. Müxalifət Dəməşqi sürətlə ələ keçirərək 61 illik Baas rejimini devirdiklərini açıqladı. Bu hadisə ilə Əsədin rəhbərliyi sona çatdı və onun ailəsi ilə birlikdə Rusiyaya sığındığı deyilir.

BAKU.WS haberler.com-a istinadən xəbər verir ki, Rusiyanın TASS xəbər agentliyi Moskva hökumətinin Əsəd və ailəsinə sığınacaq təklif etdiyini yazıb. Beləliklə, Bəşər Əsəd milyonlarla vətəndaşı ilə eyni taleyi yaşayaraq rəsmən qaçqına çevrilib.

Bölgədəki digər bir kritik inkişaf isə İsraildən gəldi. İsrail qüvvələri, 1973-cü ildən sonra ilk dəfə olaraq Suriya ərazisinə daxil oldu. "The New York Times"ın məlumatına görə, İsrail hava qüvvələri Suriya dövlətinin hərbi obyektlərinə zərbələr endirib. İsrailin baş naziri Benyamin Netanyahu orduya Qolan təpələrindəki bufer zonanı "ələ keçirmək" tapşırığını vermişdi. Bunun ardınca, İsrailin dövlət televiziyası KAN İsrail ordusunun işğal etdiyi Qolan təpələrinin Suriya tərəfdəki Şeyx dağını işğal etdiyini təsdiqləyib.

Dekabrın 7-də, Suriyanın paytaxtı Dəməşqə girən müxalifət qüvvələri, kütlələrin dəstəyi ilə, rejimin nəzarətini tamamilə itirərək süqut etdi. Bu hadisə ilə Baas Partiyasının 61 illik hakimiyyəti sona çatdı. Suriya Milli Ordusu isə Türkiyə sərhədinə yaxın Tel Rıfatı azad etdikdən sonra, orada yerləşən terrorçulara qarşı əməliyyatlarını davam etdirir.

Suriyada baş verən bu hadisələr, bölgədəki siyasi vəziyyəti və güc balansını köklü şəkildə dəyişdirir.

Telegramda izləyin