Depressiyaya düşən şəxs polisə müqavimət göstərdi - VİDEO

Konyada depressiyada olan şəxs evinin eyvanının şüşələrini və plastik parçalarını sındıraraq polisə müqavimət göstərib.

Hadisə yerinə gələn polis qrupları G.K-nı razı salaraq xəstəxanaya aparıblar.

Sonxeber.az xarici mediaya istinadən xəbər verir ki, iddialara görə, mənzildə yaşayan və depressiyaya düşən G.K. mənzilin eyvanının şüşələrini sındıraraq küçəyə atmağa başlayıb.

Ətrafdakı vətəndaşların xəbəri üzərinə hadisə yerinə sağlamlıq, xilasetmə və polis qrupları sövq edilib. Mənzilə girməyə çalışan qruplara reaksiya göstərən G.K bir müddət polisə müqavimət göstərərək şüşə və plastik parçaları qırmağa davam edib.

Bir müddət sonra polis qrupları G.K-nın olduğu mənzilin qapısını açıb və içəri daxil olub. Polis qrupları tərəfindən razılaşdırılan G.K., sağlamlıq qruplarının ilk müdaxiləsindən sonra mənzildən çıxarılaraq gözləmə rejimində olan təcili yardım maşını ilə xəstəxanaya aparılıb. Qollarında və bədənində kəsiklər olan G.K.-nın səhhətinin yaxşı olduğu öyrənilib.

Polis qrupları hadisə ilə bağlı araşdırmaya başlayıb.

Vüsalə İbrahimli

Telegramda izləyin