Keçmiş polis məmuru müalicə olunduğu xəstəxanada intihar edib

Qaziantepdə keçmiş polis məmuru müalicə aldığı xəstəxanada intihar edib.

Sonxeber.az türk mediasına istinadən xəbər verir ki, hadisə axşam saatlarında İslahiye Dövlət Xəstəxanasında baş verib.

Belə ki, keçmiş polis məmuru M.K xəstəliyi səbəbindən təcili yardım otağında müalicə olunduqdan sonra gözləmə otağına gedib. Orada bir müddət ailəsi ilə telefon danışığı aparıb və sonra xidməti silahla başına atəş açıb.

Xəstəxanadakı həkimlərin bütün müdaxilələrinə baxmayaraq, şəxs dünyasını dəyişib.

Polis qrupları hadisə yerində araşdırma apardıqdan sonra meyit morqa göndərilib.

Hadisə ilə bağlı istintaq başladılıb.

Telegramda izləyin