Gürcüstanda prezident seçkisi başa çatdı

Gürcüstanda prezident seçkiləri başa çatıb, dövlət başçısının seçilməsində iştirak edən seçici Kollegiyasının tərkibinin yarısından çoxu səs verib. Onlayn yayım parlamentin rəsmi saytında təqdim edilib.

Qaynarinfo xəbər verir ki, hazırda ölkənin Mərkəzi Seçki Komissiyası (MSK) səsvermə nəticələrinin hesablanmasına başlayıb. Seçki prosesi parlamentdə sakit keçib.

Şənbə günü Gürcüstanda prezident seçkiləri parlamentdə baş tutub. Bu dəfə prezident seçkiləri ölkədə yeni sistem əsasında keçirilib.

İlk dəfə tarixdə dövlət başçısını seçmək üçün xalq deyil, 300 nəfərdən ibarət seçici kollegiyası seçilib. Bu kollegiyaya parlamentin deputatları, müstəqil respublikalar və yerli müşavirlik orqanları daxildir.

14 dekabr səhər saatlarında yüzlərlə etirazçı prezident seçkisinin keçirildiyi Gürcüstan parlamentinin binasının qarşısında toplaşıb.

13 dekabrda Gürcüstan prezidenti Salome Zurabişvili öz səlahiyyət müddətinin bitməsindən sonra Prezident Sarayını tərk etməyi planlaşdırmadığını bildirib. O, keçiriləcək seçkilərin qeyri-leqal olduğunu və bir ''parodiya'' olduğunu hesab edir.

Telegramda izləyin