16 yaşlı oğlan 81 yaşlı kişini döyərək öldürüb - VİDEO

Hadisə İstanbulun Esenyurt səmtinin Mehmet küçəsində yerləşən parkda baş verib.

Sonxeber.az xarici mediaya istinadən xəbər verir ki, 16 yaşlı basketbolçu E.T sevgilisini təhqir etdiyini iddia etdiyi 81 yaşlı Mustafa Ergene ilə mübahisə edib.

Bir müddət sonra 16 yaşlı gənc qocaya yumruq zərbələri ilə hücum edib. E.T yerə yıxılan Ergeni vurub, daha sonra hadisə yerindən qaçıb.

Ətrafdakıların xəbərdarlığı ilə hadisə yerinə polis və sağlamlıq qrupları sövq edildi. Sağlamlıq qrupları ilkin tibbi yardım göstərərək Ergeni təcili yardımla xəstəxanaya apararkən, polis qrupları ətrafdakı təhlükəsizlik kameralarını araşdıraraq qaçan şəxsi tutmaq üçün işə başlayıb.

Ergen xəstəxanada edilən bütün müdaxilələrə baxmayaraq həyatını itirib.

E.T prokurorluğa gedərək təslim olub. Prokurorluqda prosedurları başa çatan E.T. məhkəmə orqanları tərəfindən tutularaq həbsxanaya göndərilib.

Sözügedən hadisənin dəhşətli anları təhlükəsizlik kamerası tərəfindən saniyə-saniyə qeydə alınıb.

Vüsalə İbrahimli

Telegramda izləyin