Ev olduğunu zənn edib pəncərəni sındıraraq içəri girdi, çarpayıda yuxuya getdi - VİDEO

İzmirdə maraqlı hadisə baş verib. Sərxoş şəxs iş yerini evlə səhv salıb, pəncərəni sındıraraq içəri girib və çarpayıda yuxuya gedib.

Sonxeber.az xarici mediaya istinadən xəbər verir ki, sözügedən hadisə hətta filmə də mövzu olacaq bir haldır. Əyləncə məkanında həddindən artıq dozada spirtli içki qəbul edən İrfan Kayın səhər saatlarında evə getmək üçün məkanı tərk edib.

Evə gəldiyini düşünən Qayın mebel mağazasının qarşısında dayanıb və dəqiqələrlə açarı ilə iş yerinin qapısını zorlayıb. İddiaya görə, nə etdiyini belə xatırlamayan Kayın təpikləri ilə pəncərəni sındıraraq içəri daxil olub.

Mağazaya girəndə kişi çarşaf və yastıq tapıb, daha sonra örtünərək çarpayılardan birinə bürünüb. Səhər saatlarında mağazaya gələn işçi pəncərənin sındığını görəndə əvvəlcə içəri oğru girdiyini düşünüb. Qonşuları ilə birlikdə içəri baxan gənc qız çarpayıda uzanmış adam görəndə şoka düşüb.

İş yerinə gələn və içəri daxil olan polislər yatmış və az qala huşunu itirən kişini oyatmaqda çətinlik çəkiblər.

Vüsalə İbrahimli

Telegramda izləyin