"Embraer 190" təyyarəsi neçə milyondur ?

Mülki aviasiya tarixində ən böyük təzminatı Liviyanın o vaxtkı lideri Müəmmər Qəddafi ödəyib - qurbanlarının hər birinin ailəsinə 10 milyon dollar!

AZAL bu şirkətə məxsus sərnişin təyyarəsinin Qazaxıstanın Aktau şəhəri yaxınlığında qəzaya uğraması nəticəsində həlak olanların hər birinin ailəsinə 40 min manat kompensasiya ödəyəcək.

Bakı-Qroznı reysini yerinə yetirən "Embraer 190" təyyarəsində olan və xəsarət alanların hər birinə isə 20 min manat kompensasiya ödənilməsi müəyyən edilib.

Bununla yanaşı, bütün sərnişinlər Azərbaycan Respublikası qanunvericiliyinə və qabaqcıl beynəlxalq təcrübəyə uyğun olaraq tətbiq edilən müvafiq sığorta ödənişi alacaqlar.

Kompensasiya ödənilərkən daxili uçuşlar və beynəlxalq uçuşlar arasında fərq var. Məsələn, Rusiyada daxili uçuşlar zamanı bir sərnişinin ölümü halında təxminən 2 milyon rubl məbləğində kompensasiya müəyyən edilib.

Beynəlxalq uçuşlara gəldikdə, Varşava (1929) və Monreal Konvensiyaları sərnişinin ölümü, və ya xəsarət alması hallarında daşıyıcının (həmçinin üçüncü şəxslərin) maliyyə məsuliyyətini müəyyən edir. Monreal Konvensiyasını 140 dövlət, o cümlədən Azərbaycan və Rusiya ratifikasiya edib. Monreal Konvensiyası inflyasiyadan asılı olaraq zərərin məbləğini indeksləşdirməyə imkan verir. Monreal Konvensiyasına əsasən, indi ölüm halında təxminən 190 min dollar, yaralanma və xəsarət olarsa 167 min dollar məbləğində kompensasiya verilir.

Haqqın.az bu barədə araşdırmasında yazır ki, təyyarə qəzasının üçüncü tərəfindən törədildiyi hallarda kompensasiya danışıqlar və ya da məhkəməyə yolu ilə müəyyən edilir.

Belə ki, 2020-ci il yanvarın 8-də İslam İnqilabı Keşikçiləri Korpusu(SEPAH) İran səmasında səhvən Ukraynaya məxsus sərnişin təyyarəsini vurub, nəticədə müxtəlif ölkə vətəndaşları olan 176 nəfər həlak olub. Əvvəlcə Tehran təyyarənin "texniki səbəblərə görə" düşdüyünü bildirsə də, artıq yanvarın 11-də təyyarənin İran hərbçiləri tərəfindən səhvən vurulduğu rəsmən təsdiqləndi. Bunun üçün bütün məsuliyyəti SEPAH Aerokosmik Qüvvələrinin komandanı Əmir Əli Hacızadə öz üzərinə götürdü. Tehran (baxmayaraq ki, İran o vaxt Monreal Konvensiyasını ratifikasiya etməmişdi) qurbanların qohumlarına hər birinə təxminən 80 min dollar təzminat təklif edib. Lakin bu məbləğlə kifayətlənməyən Kanada, İsveç, Böyük Britaniya və Ukrayna vətəndaşları 2023-cü ildə İranla qarşı Beynəlxalq Ədalət Məhkəməsində iddia qaldırıb.

Mülki aviasiya tarixində ən böyük təzminatı isə illər sonra Liviyanın o vaxtkı lideri Müəmmər Qəddafi ödəməyib. O, 15 il sonra etiraf edib ki, 1988-ci ilin dekabrında "Boeing 747"-nin göyərtəsində baş verən partlayış (270 nəfər həlak olmuşdu) Liviya kəşfiyyat xidmətləri tərəfindən terror hücumu olub. Bu qəzanın qurbanlarının hər birinin ailəsinə 10 milyon dollar verilib.

"Azərbaycan Hava Yolları"na məxsus "Embraer E190" təyyarəsinin qiyməti də maraq dourub. Bu təyyarələrin vəziyyətindən, uçuş saatlarının sayından, texniki xüsusiyyətlərindən asılı olaraq qiymət 15 milyon dollardan 45 milyon dollara qədər ola bilər.

Amma elə də olub ki, "üçüncü tərəf" ümumiyyətlə heç bir kompensasiya ödəməyib. Belə ki, 2015-ci ildə Rusiyanın "Koqalımavia" şirkətinin A321 təyyarəsi terror aktı nəticəsində Sinay üzərində qəzaya uğrayıb (224 nəfər həlak olub). Bununla belə, Misir öz günahını etiraf etməkdən imtina etdi; Yalnız Rusiya məhkəməsi sonradan təxminən 350 min rubl məbləğində aylıq ödənişlər təyin edib. Təyyarə qəzasında ailə başçısını itirmiş 20-dən çox qohum (o vaxt Rusiya Federasiyası hələ Monreal Konvensiyasını ratifikasiya etməmişdi) Düzdür, Rusiya məhkəməsi daha 32 milyon rubl mənəvi təzminat ödəməyə qərar verib.

Telegramda izləyin