Gözyaşardıcı qazlar niyə təhlükəlidir?

Son dövrlər sosial şəbəkələrdə gözyaşardıcı qazların satışına dair elanların artdığının şahidi oluruq. Özünümüdafiə vasitəsi kimi tanıdılan bu qazların satışı qanunla tənzimləndiyi halda hər kəsə sərbəst şəkildə təqdim edilməsi ciddi problemlərə yol aça bilər.

Bəs gözyaşardıcı qazlar insan sağlamlığına necə təsir edir? Onların istifadəsi hansı risklər doğurur?

Həkim Abbas Bağırovun sözlərinə görə, gözyaşardıcı qazlar göz qişasının zədələnməsinə gətirib çıxarır.

Bu qazlar xüsusilə göz müalicəsi alan, yeni göz əməliyyatı olan biri üçün ağır fəsadlara yol aça bilər.

Hüquqşünas Vüsal Cəfərov deyir ki, gözyaşardıcı qazlar sağlamlığa təhlükə yaratdığı kimi onların dövriyyəsinin də bir o qədər hüquqi məsuliyyəti var.

Hüquqşünas bildirir ki, gözyaşardıcı qazları qanunsuz ticarət edənləri 1 ilədək həbs cəzası gözləyir.

"Xidməti və mülki silah haqqında qanunvericiliyə əsasən, gözyaşardıcı qazların satışı, istifadəsi qadağandır. Yalnız hüquq-mühafizə orqanlarının əməkdaşlarının bu qazdan istifadəsi qanunauyğundur", - V.Cəfərov əlavə edib.

Gözyaşardıcı qazdan ən çox kütləvi etirazlar, iğtişaşlar və ictimai təhlükə yaradan qanunsuz hərəkətlərin qarşısını almaq üçün istifadə olunur. Bu qaz öldürücü təsir göstərməsə də, ondan zəhərlənmək mümkündür.

Odur ki qanunla qadağa olunan məhsulun istifadəsindən yayınmaq məsləhət görülür.(oxu.az)

Daha ətraflı Baku TV-nin materialında:

Telegramda izləyin