Əsəbiləşən gənc ticarət mərkəzinin önündə dayısını dəfələrlə bıçaqlayıb

Bursada bir şəxs yüzlərlə insanın arasında dayısını dəfələrlə bıçaqlayıb.

Sonxeber.az türk mediasına istinadən xəbər verir ki, hadisə Bursansanın Osmanqazi rayonunda yerləşən ticarət mərkəzinin qarşısında baş verib.

Mübahisə zamanı əsəbiləşən gənc dayısını bıçaqlamağa başlayıb. Yerə yıxıldıqdan sonra da əsəbi soyumayan gənc yerdə uzanan dayısını bıçaqlamağa davam edib.

Ətrafdakı vətəndaşlar təcili tibbi yardım və polisə məlumat veriblər.

Qanlar içində yerə yıxılan dayı hadisə yerinə gələn təcili tibbi yardım maşını ilə xəstəxanaya çatdırlıb.

Hadisədən əsəbiləşən vətəndaşlar gənci döyməyə çalışıblar. Polis hadisəyə müdaxilə edib və izdihamı dağıdıb. Gənc polis idarəsinə aparılıb.

Ağır xəsarətlərlə xəstəxanaya yerləşdirilən dayının həyati təhlükəsinin davam etdiyi bildirilib.
Faktla bağlı istintaq davam edir.

Telegramda izləyin