Subay və evli insanların xarakterlərindəki fərq – Maraqlı ARAŞDIRMA

Beynəlxalq tədqiqatçılar qrupu müəyyən edib ki, bütün həyatı boyu tək yaşayan insanlar münasibətdə olanlardan həm xoşbəxtlik səviyyəsinə, həm də şəxsiyyət xüsusiyyətlərinə görə fərqlənirlər.

Lent.az-ın xarici mediaya istinadla məlumatına görə, 27 Avropa ölkəsində 77 mindən çox insan üzərində aparılan araşdırma, subay insanların həyatdan daha az məmnun olduqlarını və münasibətlərdə olan insanlara nisbətən daha az ekstrovert, vicdanlı və yeni təcrübələrə açıq olduqlarını göstərib.

Araşdırmanın əsas tapıntılarından biri o idi ki, subay insanlar, xüsusən də yaşlı insanlar ciddi sağlamlıq, eyni zamanda maddi problemlərlə üzləşir və əlavə dəstəyə ehtiyac duyurlar. Nəticələr həmçinin göstərib ki, mədəni fərqliliklərə baxmayaraq, Cənubi Avropa kimi yüksək evlilik nisbəti olan ölkələrdə tənhalıq həyatdan məmnunluq səviyyəsinin aşağı olması ilə əlaqələndirilir.

Bremen Universitetindən tədqiqatın həmmüəllifi Julia Stern deyib: "Ömrü boyu tənha olan insanların, xüsusən də qocalıqda xüsusi qayğıya ehtiyacı olur".

Alimlərin fikrincə, subay insanlar, xüsusən də yaşlılar üçün yeni sosial proqramlar yaratmaq lazımdır. Onlar belə insanlara daha çox dost tapmağa və sosial əlaqələri qorumağa kömək etməlidirlər.

Telegramda izləyin