"İntihar kapsulunun" yaradıcısı ilk dəfə onun ilk sınağından DANIŞDI

Evtanaziyaya kömək etmək üçün nəzərdə tutulmuş "intihar kapsulunun" yaradıcısı onun İsveçrədə ilk istifadə halını şərh edib.

Lent.az-ın xarici mediaya istinadən məlumatına görə, bu iş qızğın müzakirələrə səbəb olub, intihara yardımın etikası və qanuniliyi ilə bağlı gərgin müzakirə mövzusuna çevrilib.

ABŞ-dan olan 64 yaşlı qadın sentyabrın 23-də İsveçrədə intihar etmək üçün bu kapsuldan istifadə edib. O vaxt hadisədə iştirak edən yeganə şəxs olan həkim Florian Uillett onun dünyasını dəyişməsini "sürətli, dinc və ləyaqətli" adlandırıb. Daha sonra o, polis tərəfindən saxlanılıb və bir neçə həftə həbsdə qalıb.

Hollandiyanın "de Volkskrant" qəzeti məhkəməyə qadının boyun nahiyəsində xəsarətlər olduğunu irəli sürən məhkəmə-tibb ekspertindən "telefon mesajı" aldığını bildirib. Nəşr həmçinin qeyd edib ki, Sarco kapsulundan istifadə edən o, kəllə sümüyünün osteomieliti diaqnozu qoyulduqdan sonra intihar düşüncələrinin onu "ən azı iki il" təqib etdiyini söyləyib.

O, heç kimin onu intihara məcbur etmədiyini, daha əvvəl də İsveçrənin "Pegasos" təşkilatı vasitəsilə həyatına son qoymağa cəhd etdiyini bildirib. Sarco kapsulunun ilk istifadəsindən bəhs edən podkastda onun yaradıcısı doktor Philipp Niçke deyib: "Cihaz öz funksiyasını nəzərdə tutulduğu kimi yerinə yetirdi".

"O, köməksiz olaraq kapsula girdi, hazır olanda düyməni basdı. Onun oksigen səviyyəsi aşağı düşdü, bütün bunlara dair sənədlərimiz var. O, iki dəqiqə ərzində huşunu itirdi və təxminən altı dəqiqə sonra öldü", - Niçke vurğulayıb.

Lakin sonradan o, əlavə edib ki, hadisənin nəticələri gözlənilməz olub və kifayət qədər narahatlıq yaradıb. Onun sözlərinə görə, həkim Florian Uillett dərhal azad edilməli idi, çünki onun fikrincə, qadının kapsula yaxınlaşıb onun içərisinə qalxması və düyməni özü basdığı zaman yaxınlıqda olması istisna olmaqla, onun ölümündə o, məsuliyyət daşımayıb.

O, qadının ölümünü müstəqil şəkildə təşkil etdiyini və həyata keçirdiyini və Florianın yeganə töhfəsinin onun hərəkəti zamanı verdiyi dəstək olduğunu vurğulayıb. Boyun zədələri ilə bağlı şərhlərə və hadisələrin təsvir olunduğu kimi cərəyan etmədiyinə dair iddialara gəlincə, Sarconun yaradıcısı bu qənaətləri "gülünc fərziyyə" adlandırıb.

Telegramda izləyin