Ana 3 aylıq körpənin ölümünə səbəb oldu

Louisville şəhərində dəhşətli hadisə baş verib.

Sonxeber.az xarici mediaya istinadən xəbər verir ki, narkotikdən əziyyət çəkən ana vannada yuxuya dalıb və 3 aylıq körpəsini itirib.

Louisville Metro Polisinin verdiyi məlumata görə, 36 yaşlı Amber Vinstead, uşağının ölümündə qətl ittihamı ilə həbs edilib.

Hadisə Airport Hotels bulvarında yerləşən Motel 6-da baş verib. Otaqda boğulma xəbəri daxil olduqdan sonra polis və təcili yardım xidmətləri hərəkətə keçib.

Həbs hesabatına görə, Vinstead körpəsi ilə vanna otağına girməzdən əvvəl gün ərzində narkotik istifadə etdiyini etiraf etdi.

Ananı saatlar sonra otaqdakı başqa bir şəxs oyadıb və o, körpəsinin boğulduğunu anlayıb. Hadisənin yeganə şahidi olan körpənin böyük bacısı polisə bildirib ki, anası qardaşını vannada tutarkən yuxuya gedib.

Telegramda izləyin