48 min km məsafəlik dünyanın ən uzun yolu haqqında nə bilirik?

"Siz demək olar ki, Yer kürəsinin yarısını kəsib keçən yol haqqında düşünmüsünüz? Alyaskanın buzlu ərazilərini Argentinanın sonsuz pampalarına birləşdirən, yer kürəsinin təxminən yarısına uzanan bir yol təsəvvür edin. Bu yol sadəcə bir magistral deyil, "Panamericana" kimi tanınan mühəndislik möcüzəsidir".

Oxu.Az-ın məlumatına görə, bu barədə pravda.ru yazır.

"Panamerica"nanın uzunluğu 48 000 kilometr təşkil edir - bu, Yer kürəsinin ekvatorundan daha uzundur. Bu nəhəng yol şəbəkəsi ABŞ, Kanada, Meksika, Mərkəzi Amerika ölkələri, Kolumbiya, Ekvador, Peru, Çili və Argentina daxil olmaqla 14 ölkənin ərazisindən keçir.

Lakin öz əzəmətinə baxmayaraq, "Panamericana"nın bir zəif nöqtəsi var - Panamanın ərazisində yerləşən Darien çatı. 160 km uzunluğunda olan bu hissə keçilməz cəngəlliklər və bataqlıqlardan ibarətdir ki, burada yol tikintisi demək olar ki, mümkün deyil. Məhz buna görə, "Panamericana" bu yerdə kəsilir.

"Panamericana"nın əhəmiyyəti adi nəqliyyat magistralından çox uzaqdır. Bu yol Amerika qitəsi ölkələrinin iqtisadiyyatında, ticarətində və turizmində mühüm rol oynayır.

Təəccüblü deyil ki, "Panamericana" macəra axtaranları cəlb edir. Axı bu unikal yolun marşrutu qızmar səhralardan rütubətli tropik meşələrə, dağ aşırımlarından mənzərəli sahil zonalarına qədər ən müxtəlif landşaftlardan keçir.

"Panamericana" boyunca səyahət sadəcə "A" məntəqəsindən "B" məntəqəsinə səfər deyil. Bu, kəşflər, heyrətamiz insanlarla görüşlər və Amerika qitəsinin zəngin mədəniyyəti ilə təmasdan ibarət əsl macəradır.

Telegramda izləyin