İki uşaq anası meşədə sevgilisi tərəfindən öldürüldü

Adanada Murat A adlı şəxs sevgilisini söhbət etmək adı ilə apardığı meşəlik ərazidə silahla vuraraq öldürüb.

Sonxeber.az türk mediasına istinadən xəbər verir ki, Murat A ötən gecə sevgilisi Gamze Alırı (23) danışmaq bəhanəsi ilə evindən götürüb.

Murat A daha sonra iki uşaq anası Alırı mərkəzi Sarıçam rayonunun Yeşil Bulvar bölgəsindəki meşəlik əraziyə aparıb. Naməlum səbəbdən ikili arasında mübahisə yaranıb. Murat A. əlindəki silahla Alıra atəş açaraq hadisə yerindən qaçıb.

Silah səslərini eşidən vətəndaşların məlumat üzərinə bölgəyə təcili tibbi yardım və polis sövq edilib. Hadisə yerinə gələn həkimlərin ilk müayinəsi zamanı gənc qadının öldüyünü müəyyən edilib.

Gənc qadının meyiti incələnmə üçün tibbi ekspertizaya aparılıb.

Polisin araşdırması zamanı Murat A və 6 şübhəli saxlanılıb.

Faktla bağlı istintaq davam edir.

Telegramda izləyin