Məşhur olduğunu iddia edən qadın videosunu çəkən şəxsə reaksiya verdi - VİDEO

"Wizz Air" reysi ilə uçan sərnişin onu lentə alan gənc qadına "çox məşhur olduğu üçün görünmək istəmədiyini" deməsi maraqlı müzakirələrə səbəb olub.

Sonxeber.az xarici mediaya istinadən xəbər verir ki, 18 yaşlı Paris Conson Macarıstandan Londona qayıdarkən enişdən 15 dəqiqə əvvəl oyanıb və saçlarını yoxlamaq üçün telefonunu kamerasını açıb. Lakin o, saçlarını darayan zaman koridorda oturan qadın sərnişin kamerada görünməsə də, onun çəkiliş aparmasına mane olmağa çalışıb.

Tik-Tokda 28 milyon baxışa çatan videoda qadın sərnişin "İnsanların burada olduğumu bilmələrini istəmirəm. Səsim çox tanınır" - deyərək Parisin çəkilişlərini dayandırmağa çalışır.

Hətta "onlar mənim nəfəs aldığımı belə eşidirlər" kimi qəribə bir açıqlama da verib.

Əvvəlcə bunun zarafat olduğunu düşünən Paris gülməyə başladı və "zarafat edirsən?" - deyə soruşur. Aralarında dəhliz olduğunu və qadının videoda görünmədiyini bildirən Paris özünün çəkiliş hüququna malik olduğunu bildirib.

Telegramda izləyin