Burun əməliyyatı keçirən prezident prokurorluqda dindirildi

Peru prezidenti Dina Boluarte iki həftədir burnunda plastik əməliyyat etdirmədiyini izah etmək üçün prokurorlar qarşısına çıxıb və bunun kosmetik deyil, tibbi olduğunu israrla izah edib.

Lent.az "The Guardian"a istinadla xəbər verir ki, 62 yaşlı Boluarte 2023-cü ilin iyulunda olmadığı müddətdə prezident səlahiyyətlərini müvəqqəti icraçı təyin etməyib və vəzifəsini tərk etməkdə ittiham olunur.

Bazar ertəsi xanım prezident, işi araşdıran prokurorlarla dörd saat danışıb və kənarda gözləyən jurnalistlərə danışmadan gedib.

Bəzi millət vəkilləri Boluartenin vəzifəsindən uzaqlaşdırılmasını istəyib. O, ictimaiyyətə məlumat verməyib və qanunun tələb etdiyi kimi səlahiyyətlərini Konqresə həvalə etməyib.

Lakin onun komandası bildirib ki, Dina Boluarte nəfəs alma problemləri səbəbiylə rinoplastika əməliyyatı keçirdikdən sonra Limadakı klinikalardan birində müalicə olunarkən faktiki olaraq vəzifələrini yerinə yetirib.

"The Guardian" xatırladır ki, Boluarte bir neçə aydır qalmaqalın mərkəzindədir. Prokurorlar onu Rolex saatları və zinət əşyaları şəklində rüşvət almaqda da günahlandırırlar və o, 2022-ci ildə prezidentliyinə qarşı nümayişlərin dağıdılması zamanı 50-dən çox etirazçının ölümü ilə bağlı araşdırılır. O, öz tərəfindən hər hansı bir qanunsuzluğu rədd edir.

Dina Boluarte həmin ilin dekabrında impiçment elan edildikdən və Konqresi buraxmaq cəhdi uğursuzluğa düçar olduğu üçün həbs olunduqdan sonra solçu prezident Pedro Kastilonu əvəz edərək vəzifəyə başlayıb. O, əvvəllər Kastilonun vitse-prezidenti olub.

Boluartenin Konqresdə öz partiyası yoxdur və onun bəyənilməməsi demək olar ki, 95%-dir. Səlahiyyət müddəti 2026-cı ilin iyulunda başa çatır.

Telegramda izləyin