ABŞ-ı külə çevirən yanğında daha bir möcüzə: Görənlər inana bilmədilər

ABŞ-ın Los Anceles şəhəri və ətrafında yanvarın 7-də başlayan və günlərdir davam edən yanğınlarda həyatını itirənlərin sayı 25-ə yüksəlib.

Sonxeber.az xarici mediaya istinadən xəbər verir ki, güclü külək səbəbindən sürətlə yayılan alov indiyədək 37 min hektardan çox ərazini külə çevirib.

Yanğın zamanı 12 000-dən çox tikili zədələnib, nəticədə 150 ​​000 nəfər təxliyə edilib. Davam edən yanğınlar nəticəsində dəyən ümumi zərər və iqtisadi itkilərin 250-275 milyard dollar arasında olduğu təxmin edilir.

Fəlakət bölgəsində də möcüzələr də baş verir. Malibu sahili külə dönərkən, 2000-ci ildə tikilmiş villa heç bir zərər görmədən yanğından sağ çıxması ilə diqqət çəkib.

Yanmayan binadan sonra indi də alovdan zərər görmədən xilas olan mikroavtobus gündəmdədir.

1977-ci il model olduğu bildirilən mikroavtobus bölgənin külləri arasında zədələnməmiş görünüşü ilə diqqət çəkib. Mikroavtobusun təkərlərinin belə ərimədiyi görünüb.

Preston Martin sahib olduğu mikroavtobusu yanğından heç bir zərər görmədən xilas olduğunu qeyd etdi. Mikroavtobusun sahibi "Bu furqonda sehrli bir şey var" - dedi.

Telegramda izləyin