Lermontovun duel sirri: Yeni faktlar, yoxsa köhnə fərziyyələr?

"Rusiyanın tanınmış şairi Mixail Lermontovla istefada olan mayor Nikolay Martınov arasındakı duelin araşdırılmaya ehtiyacı yoxdur, o, qaydalara uyğun keçirilib".

Oxu.Az-ın verdiyi məlumata görə, bu barədə "RİA Novosti"yə M.V.Lomonosov adına MDU-nun jurnalistika fakültəsinin dosenti, ədəbiyyatşünas Yeqor Sartakov bildirib.

"Əgər hadisənin şahidlərində duelin qaydalara uyğun keçirilmədiyi və Lermontovu Martınovun deyil, guya başqa kiminsə vurduğu barədə azacıq şübhə olsaydı belə, bu duelin kobud pozuntusu olardı", - deyə o bildirib.

Ekspertin sözlərinə görə, dueli izləyən şahidlər ən kiçik pozuntu zamanı müdaxilə edərdilər, çünki o dövrün duel məcəlləsi çox ciddi şəkildə gözlənilirdi.

Sartakov əlavə edib ki, duelin bütün qaydalara uyğun keçirildiyini təsdiqləyən yazılı sübutlar var.

Qeyd edək ki, Dövlət Dumasının deputatı Burlyayev Rusiya İstintaq Komitəsindən Mixail Lermontovun ölümünü araşdırmağı xahiş edib. Onun sözlərinə görə, Lermontovun ölümündən sonrakı 150 il ərzində faciə ətrafında yeni versiyalar meydana çıxıb. Burlyayev güllənin Martınov tərəfindən atılmadığını, bunun üçün başqa adamın tutulduğunu iddia edib.

Qeyd edək ki, Lermontov 1841-ci ildə həyatını itirib. Məlumata görə, o, hərbi məktəbdə keçmiş məktəb yoldaşı, istefada olan mayor N.S. Martınovla axşam yığıncaqlarının mübahisə edib. Onların bu davası duellə nəticələnib və şairin ölümü ilə başa çatıb.

Telegramda izləyin