Milyon dollara satılan ilk motosiklet – Tarixi hərrac

Las-Veqasda keçirilən hərracda 1915-ci il istehsalı olan Cyclone V-Twin motosikleti 1,32 milyon dollara satılaraq tarixi rekorda imza atıb. Bu, daha əvvəl qeydə alınan Harley-Davidson 1908 modelinin 935 min dollarlıq və Vincent Black Lightning 1951 modelinin 929 min dollarlıq satış qiymətlərini üstələyib.

BAKU.WS xəbər verir ki, bu barədə ferra.ru məlumat yayıb.

Son illərdə hərraclarda ən yüksək qiymətə satılan motosikletlərin əksəriyyətinin Amerika istehsalı olması da diqqət çəkir. Əvvəllər Vincent və Brough Superior kimi Britaniya markaları üstünlük təşkil etsə də, hazırda ilk onluqda 90%-ni Amerika motosikletləri təşkil edir.

Hərracda rekord qıran Cyclone V-Twin satışından bir neçə dəqiqə sonra 1938-ci il istehsalı olan Crocker Twin də 880 min dollara satılıb. Hər iki motosiklet, yoxsulluqdan zənginliyə yüksələn və polioqrafiya sənayesində uğur qazanan Urban S. Hirş III-ün kolleksiyasına aid olub.

Telegramda izləyin