Kelloq: Müttəfiqlər Ukrayna üçün təhlükəsizlik zəmanətləri üzərində işləsə də, yekun qərar Trampındır

Ukraynanın müttəfiqləri hazırda təhlükəsizlik təminatlarının müxtəlif variantları üzərində işləyirlər. Lakin yekun qərarı ABŞ Prezidenti Donald Tramp verəcək.

"Report"un "RBK-Ukraina"yə istinadən verdiyi məlumata görə, bunu şənbə günü Münxen Təhlükəsizlik Konfransında çıxış edən ABŞ Prezidentinin Ukrayna və Rusiya üzrə xüsusi nümayəndəsi Keyt Kelloq deyib.

Onun sözlərinə görə, Münxen Konfransına səfərinin səbəblərindən biri də müttəfiqlərlə Ukrayna üçün təhlükəsizlik təminatlarını müzakirə etməkdir. Bundan sonra Kelloq ABŞ-yə qayıdacaq və bu fikirləri Trampa təqdim edəcək.

"Və sonra mən bunu qərarı verən şəxsə, prezident Trampa çatdıracağam. Biz ona məsləhət görürük, o, qərar verir. Biz ona seçimlər verməliyik. Heç nəyi istisna etmək olmaz. Əgər bu həftə fikir vermisinizsə, bu gün də bütün variantlar nəzərdən keçirilir. Prezidentin buna əsaslanaraq öz qərarını verməsi vacibdir", - Kelloq söyləyib.

Telegramda izləyin