Gözəl və zəngin: Uinston Çörçillin anası necə görünürdü və kim idi - xanım Cenni Çörçill

Ledi Cenni Çörçill Britaniya aristokratları ilə evlənən bir çox Amerika "dollar şahzadələrindən" biri olub.

O, 1854-cü ildə Bruklində Klara və Leonard Ceromun ailəsində anadan olub. Onun atası səhmlərdə var-dövlət qazanan "Uoll-strit kralı" kimi tanınırdı.

Tarixçi Emi Boyinqton deyir ki, Cenni gözəl idi və onun qeyri-adi əmlakına görə, bugünkü pulda təxminən dörd milyon dollara bərabər idi, o, mükəmməl "qənimət" olub.

1873-cü ildə İngiltərəyə gələndə Cenni, bacıları və anası Ueyt adasında yelkənli reqatada olarkən Uels şahzadəsi (gələcək Edvard VII) onu lord Rendolf Çörçilllə tanış edib. Onlar dərhal bir-birlərinə aşiq olub və üç gün sonra nişanlanıblar. Lordun valideynləri Cenninin amerikalı, eləcə də biləyində ilan döyməsinin olmasına və Britaniya aristokratiyasının üzvü olmadığına görə bu nişanı bəyənməyiblər. Ancaq onun əhəmiyyətli bir əmlakının olduğunu başa düşdükdə hər şey həll olunub və cütlük 1874-cü ilin aprelində evlənib.

Yeni ledi Çörçill vaxtının çox hissəsini Oksfordşirdəki Blenheym sarayında keçirib və əmlakının çox hissəsini onun modernləşdirilməsinə sərf edib. Məhz burada o, sonradan Böyük Britaniyanın baş naziri olacaq ilk oğlu Uinstonu dünyaya gətirib. Uinstondan az sonra Con adlı ikinci oğlu doğulub.

Ledi Çörçil Britaniya aristokratiyasına mükəmməl uyğunlaşıb. O, çox məşhur olub, hazırcavab idi və çox gülürdü, buna görə də tez-tez məclislərə dəvət olunurdu. Bununla belə, ledi Çörçilin də çoxlu sevgilisi olub və onlardan biri, görünür, Uels şahzadəsinin özü idi.

Buna baxmayaraq, onun lord Rendolf Çörçil ilə evliliyi 1895-ci ildə cəmi 45 yaşında vəfat edənə qədər davam edib. Tezliklə o, ikinci ərini tapıb, Corc Kornoullis Uest Şotlandiya Qvardiyasının kapitan olub və oğlu Uinstondan cəmi altı gün böyük idi. 1900-cü ildə evləniblər, lakin evlilik uzun sürməyib, 1914-cü ildə boşanıblar.

Üçüncü evliliyi ondan da gənc Monteqyu Porçem ilə olub və o, artıq oğlu Uinstondan üç yaş kiçik idi. 1918-ci ildə evləniblər. 1921-ci ildə ledi Çörçill yeni ayaqqabısı ilə pilləkənlərdən sürüşərək ayağını sındırıb. Təəssüf ki, qanqrena yarandıb və onun ayağı dizdən yuxarı amputasiya edilməli olub. Növbəti ay o, cəmi 67 yaşında qanaxmadan ölüb.

O, Bleydonda, Oksfordşirdə, ilk evi Blenheym yaxınlığında dəfn edilib. Onun oğlu Uinston Çörçil İkinci Dünya Müharibəsi illərində ölkəyə rəhbərlik edərək Britaniya tarixinin ən məşhur siyasətçilərindən birinə çevrilib.(lent.az)

Telegramda izləyin