İtlərin fotosunu çəkmək üçün işindən ayrıldı

Nyu-York ştatının Buffalo şəhərində doğulub böyüyən və ömrü boyu itləri sevən Con Fabiano həmişə itlərlə insanlar arasındakı münasibətlərə valeh olub. Amma heç vaxt ağlına gəlməzdi ki, bu maraq onun işinə çevriləcək.

Lent.az xarici mediaya istinadən xəbər verir ki, korporativ sahədə işlədiyi dövrdə özünü narazı hiss edən Fabiano küçə itlərinin fotolarını çəkməyi xoşladığını anlayandan sonra, bu işdən qaçış planı qurmağa başlayıb.

2022-ci ildə işdən ayrılaraq dünyanı gəzməyə və itlərlə insanlar arasındakı müxtəlif bağları sənədləşdirməyə qərar verib.

Son iki ildə o, Qrenlandiyaya gedərək qrenland itlərinib, Almaniyaya səfər edərək alman çoban itlərinin və Yaponiyaya gedərək şiba-inu cinsinin şəkillərini çəkib. Bütün bunlar onun "Wags Around the World" adlı layihəsinin bir hissəsidir.

"Təxminən 35 yaşım var, səyahət edirəm və itləri fotoqrafiya edirəm", - Fabiano bildirirb.- "Korporativ dünyadan ayrıldım və indi bundan daha xoşbəxt və daha əyləncəli ola bilməzdim".

Hansı ölkələri ziyarət edəcəyinə qərar verərkən, Fabiano izah edir ki, o, insanların itlərlə qurduğu müxtəlif əlaqələri əks etdirən mövzular müəyyən edib.

O, layihəsini dörd qrupa bölüb: vəhşi itlər, işləyən itlər, safqan itlər və "kənar itlər".

Səyahətinə 2023-cü ilin martında Almaniyadan başlayır. Burada 10 alman çoban iti olan bir qadınla tanış olur və onunla dərhal bir bağ qurur.

"Bunun mənə bu qədər təsir edəcəyini bilmirdim, dünyanın hər yerində insanlarla qurduğum əlaqələr inanılmazdır," - o, etiraf edir.

Fabiano qeyd edir ki, illər ərzində itlə - Viola adlı dostu ilə münasibəti ona çətin dövrləri aşmağa kömək edib və özünü məqsədsiz hiss etdiyi vaxtlarda ona fokuslanmaq imkanı verib.

Zaman keçdikcə Fabiano itlərə bir növ ilham mənbəyi kimi baxmağa başlayıb və onların "həyat eşqinə" və hər an hərəkətdə olmağa hazır olmalarına heyran qaldığını bildirir.

"İtləri sevməyin və onlara hörmət etməyin standart qaydası yoxdur", - o deyir. "Hər bir münasibət unikaldır və itlər bizdən olduqca az şey tələb edir".

Almaniyadan sonra növbəti dayanacağı Qrenlandiya olur. Orada itlərlə xizək sürərkən çəkdiyi bir foto, ona 2024-cü ildə "Dog Photography Awards" müsabiqəsində sənədli foto kateqoriyasında birinci yer qazandırır.

Telegramda izləyin