125 milyon il əvvəl yaşamış nəhəng əqrəbin qalıqları tapıldı

Çin Elmlər Akademiyasının Nankin Geologiya və Paleontologiya İnstitutunun alimləri 125 milyon il əvvəl təbaşir dövründə yaşamış nəhəng zəhərli əqrəbin qalıqları aşkar ediblər.

Lent.az xəbər verir ki, bu tapıntı "Science Bulletin" (SciBull) elmi jurnalında dərc olunub.

Fosil Çinin şimal-şərqindəki zəngin Erkən Təbaşir fosil yataqları ilə tanınan Yixian Formasiyasında tapılıb.

Əqrəbə "Jeholia Longchengi" xüsusi adı verilib. Təhlil göstərdiyi kimi, bu artropodların uzunluğu təxminən 10 santimetrə çatıb ki, bu da onları Mezozoy dövrünün məlum əqrəbləri arasında ən böyüyü edir. Onların bu dövrdəki qohumlarının əksəriyyəti bu boyda olub.

"Jeholia longchengi", ehtimal ki, onun ekosistemində əsas yırtıcı idi. Onun pəhrizinə böcəklər, hörümçəklər, qurbağalar, kiçik kərtənkələlər və hətta məməlilər daxil ola bilər. Eyni zamanda, "J.longchengi" özü də dinozavrlar və ya məməlilər kimi daha böyük heyvanların ovuna çevrilə bilərdi.

Quru əqrəblərinin fosilləri olduqca nadirdir. Çünki bu canlılar adətən fosilləşmə şansının minimal olduğu qayaların və budaqların altında yaşayırlar.

Telegramda izləyin