Dollar ucuzlaşandan sonra Azərbaycan bankları çətin vəziyyətdə qaldı

Vergi Məcəlləsinə edilən dəyişiklikdən sonra fevralın 1-dən etibarən bank hesablarındakı vəsaitləri nağdlaşdırarkən 1% vergi tutulacaq. Bu isə vətəndaşları, xüsusilə, biznes sahiblərini ciddi narahat edir.
İş adamları vergini ödəməkdən azad olmaq üçün xarici ölkələrin banklarında hesab açmağa üstünlük verirlər. Çünki həmin hesablardan nağdlaşdırmalar zamanı əlavə ödəniş tələb olunmur. Vətəndaşlar daha çox qonşu ölkələrdə - Gürcüstan və Türkiyədə hesab açaraq öz vəsautlərini idraə etməyə üstünlük verirlər.
Xaricdə hesab açaraq əməliyyatlar etməyə rəsmi qadağa nəzərdə tutulmadığından bu tendensiyanın genişlənəcəyi proqnozlaşdırılır. Bu sırada internet banking xidmətləri verən hesabların açılması üstünlük təşkil edəcək.
Xaricdə hesab açmaq neçəyədir?
İndi Azərbaycan vətəndaşlarının üz tutduğu banklardan biri ABŞ-da fəaliyyət göstərən "Skrill"-dir. Bu bank xidmətində hesab açmaq pulsuzdur. Həmin hesabdan nağdlaşdırma aparakən də heç bir ödəniş tələb olunmur. "Skrill" hesablara pul köçürülməsində də problem olmur. Yəni, istənilən hesabdan oraya köçürmə etmək mümkündür. Ona görə də vətəndaşlar həmin bank xidmətindən yararlanmağa üstünlük verirlər.
Gürcüstandakı banklarda hesab açankən müəyyən xərcləri qarşılamaq tələb olunur. Ekspert Rəşad Həsənov hesab edir ki, bu səbəbdən hər kəs Gürcüstanda esab açmağa maraq göstərməyəcək: "Gürcüstanda hesab açmaq ancaq oraya yolu tez-tez düşən şəxslərə sərfəli ola bilər. Digər hallarda vətəndaş əlavə xərclərlə qarşılaşacaq".
Ekspert bildirib ki, xaricdə hesab açmaq istəyənlər daha iri məbləğdə vəsaitləri olan iş adamlarıdır. Onlar Azərbaycandakı banklarda nağdlaşdırma zamanı daha çox vergi ödəməli olacaqlar. Ona görə də onlar xarici banklarda hesab açmağa üstünlük verirlər.
R.Həsənov hesab edir ki, xaricdə hesab açan iş adalarının sayı o qədər də böyük olmayacaq. Çünki onların əksəriyyətinin layihələri dövlət vəsaitləri hesabına maliyyələşir. Belə olan halda onların xaricdə hesab açıb vəsaitlərini idarə etməsi çətinləşəcək.
Banklar gəlir mənbələrindən məhrum olurlar
Ekspertin sözlərinə görə, indi biznesdə durğunluq dövrü olduğundan xaricdə hesab açanlar da çox deyil. Lakin mart ayından etibarən bu axın ciddi hiss olunacaq. Bu da yerli bankların gəlirlərinin azalmasına, risklərin böyüməsinə gətirib çıxaracaq.
Son bir ayda xaricdə hesab açanların sayı kəskin artıb. Artıq banklar bundan əziyyət çəkirlər və bunu gizlətmirlər. Öz müştərilərini itirən maliyyə qurumları çətin vəziyyətə düşüblər. Əgər prosesin qarşısı alınmasa gələcək aylarda bankların işində ciddi risklər yara bilər.
Onlayn alış-verişin və nağdsız ödənişlərin həcminin artması da müşahidə olunur. Bu əməliyyatların xarici banklar vasitəsilə həyata keçirilməsi yerli banklara zərbə vurur.
Nəzərə alsaq ki, Mərkəzi Bank 2020-ci ilədək nağdsız dövriyyənin həcmini 90%-ə çatdırmağı hədəfləyib. Bu, banklar üçün ciddi problemlərə gətirib çıxara bilər.

Mənbə: fins.az

Telegramda izləyin

instagramda izləyin