Suriya təhlükəsizlik qüvvələri "Hizbullah"ı ölkədə sabitliyi pozmaqda ittiham edir

Suriyada sabitliyin pozulmasına görə Livanın "Hizbullah" təşkilatı ittiham olunur.

"Report" xəbər verir ki, bu barədə məlumatı "Al Arabiya" telekanalına Suriyanın Latakiya əyalətində təhlükəsizlik qüvvələrinin nümayəndəsi Sacid əd-Dik təqdim edib.

"Hizbullah" Aralıq dənizi sahillərinin müəyyən bölgələrində bəzi qruplaşmalara dəstək verib. "Hizbullah" və xarici ölkələr Suriya sahillərinin bir sıra bölgələrində keçmiş prezident Bəşər Əsədi dəstəkləyən bəzi partiyalara və qüvvələrə dəstək verib", - məlumatda qeyd olunub.

Əd-Dik əlavə edib ki, təhlükəsizlik qüvvələri bölgədə əvvəlki rejim dövründə yüksək vəzifə tutan beş nəfəri saxlayıb. O, təhlükəsizlik baxımından kimlikləri açıqlamayıb. Suriyanın yeni hakimiyyət orqanlarının nümayəndəsinin sözlərinə görə, hazırda vəziyyət 90 % nəzarət altındadır.

Telegramda izləyin