Plastik əməliyyat etdirən qadın öldü, baş həkim istefa verdi

Başqırdıstanın paytaxtı Ufada plastik əməliyyat etdirən qadın ölüb.

Lent.az Rusiya mediasına istinadla bildirir ki, qadın yerli klinikanın baş həkiminə prosedur üçün 136 min rubl (təxminən 2597 manat) ödəyib. Ancaq iki gün sonra xəstənin vəziyyəti pisləşib, ona ağciyər emboliyası diaqnozu qoyulub.

Sonradan məlum olub ki, qadına lazımi dərmanlar verilməyib. Əməliyyatdan əvvəl xəstələrə qan laxtalanma riskini azaldan dərmanlar təyin edilir. Belə dərmanlar prosedurdan iki gün əvvəl alınmalıdır, lakin onlar müdaxilədən sonra təyin edilib.

Hadisədən sonra qadının ailəsi məhkəməyə müraciət edib və onun qərarına əsasən, xəstənin əri və qızı bir milyon rubl (təxminən 19 min 101 manat) təzminat alıblar. Baş həkim tutduğu vəzifədən istefa verib. Tibb müəssisəsi vəziyyəti şərh etməyib.

Telegramda izləyin