Buzlaqlar olmasa, Antarktida necə görünər? - FOTO

Britaniya Antarktika Tədqiqat İnstitutu (BAS) buzlaqlar olmadan Antarktidanın necə görünəcəyini araşdırıb.

Ölkə.Az "Anadolu" agentliyinə istinadla xəbər verir ki, İnstitut tərəfindən və beynəlxalq tədqiqatçıların iştirakı ilə aparılan araşdırma çərçivəsində 60 illik hava fotoşəkilləri, peyk görüntüləri, gəmilərin müşahidələri və s. məlumatlar toplanıb.

Aparılan işlər nəticəsində 27,1 milyon kubmetr buz qatının götürüldüyü Antarktidanın təsviri yaradılıb, yüksək dağlar, dərin kanyonlar və əvvəllər məlum olmayan bəzi nöqtələr aşkarlanıb.
"Bedmap3" adlanan xəritə, əvvəllər güman edilənlərin əksinə olaraq, Fransanın Adelie Torpaqındakı Astrolabe hövzəsində 4700 metr hündürlüyündə ən qalın buzlaq təbəqəsinin olmadığını da ortaya qoydu.

Məlum olub ki, ən qalıb buz təbəqəsi (4757m) Avstraliyanın "Wilkes Land" bölgəsindədir.

Bütün buzlaqlar ərisə, dəniz səviyyəsinin 58 metr qalxacağı gözlənilir.
2001-ci ildən bəri buzaltı torpaqların xəritələşdirilməsi üçün hazırlanmış üçüncü və ən əhatəli xəritə olan "Bedmap3", üçün əvvəlki xəritədən iki dəfə çox məlumatdan istifadə edilib.

Bu məlumatlara görə, qitənin buzlaq həcmi 27,1 milyon kub kilometr, buzlaq sahəsi isə 13,6 milyon kvadrat kilometrdir.

Xəritəni yaradan tədqiqatçılardan Peter Fretuell araşdırma ilə bağlı açıqlamasında Antarktidanın bilindiyindən daha həssas olduğunu bildirib.

Telegramda izləyin