Evdə qeyri-adi doğuş: 34 yaşlı qadın mobil telefon işığında 9-cu uşağını dünyaya gətirdi

Zakarpatya vilayətində 34 yaşlı qadın 9-cu övladını ekstremal şəkildə dünyaya gətirib.

Lent.az-ın xarici mediaya istinadla xəbərinə görə, həkimlər körpəni elektrik enerjisi kəsilmiş vəziyyətdə dünyaya gətirməli olublar.

Həkimlərin sözlərinə görə, onlara martın 18-nə keçən gecə Bereqovo rayonunun Velikiye Bereqa kəndində doğum üçün zəng gəlib. Dərhal hadisə yerinə həkim briqadası göndərilib. Onlar hadisə yerinə gələndə vəziyyətin kritik olduğunu anlayıblar. Ana doqquzuncu övladını dünyaya gətirib, evdə işıq olmayıb. Doğuş mobil telefonların işığı altında aparılmalı olub.

Xoşbəxtlikdən ailənin sağlam oğlan övladı dünyaya gəlib.

"34 yaşlı ananın hazırda doqquz övladı var! Ən böyüyünün 17, ən kiçiyinin cəmi 1 yaşı var. Biz ən ekstremal şəraitdə belə öz işini peşəkarlıqla yerinə yetirən həkimlərimizlə fəxr edirik", - məlumatda vurğulanır.

Telegramda izləyin