Moskva milyarderlərin sayına görə ikinci yerə yüksəldi: Ölkənin ən zəngini Vahid Ələkbərovdur

Rusiya paytaxtı dünyada yaşayan milyarderlərin sayına görə ikinci yerə yüksəlib.

Oxu.Az-ın verdiyi məlumata görə, reytinq "Forbes" jurnalının rəsmi saytında dərc edilib.

Məlumata görə, hazırda Moskvada 90 milyarder yaşayır. Onların sayı il ərzində 16 nəfər artıb. Onların ümumi sərvəti 409 milyard dollar dəyərində qiymətləndirilib.

Rusiyalı biznesmenlər arasında lider, sərvəti il ərzində 28.7 milyard dollara qədər artan "LUKOIL"un təsisçisi Vahid Ələkbərov olaraq qalır.

Siyahıda birinci yerdə Nyu-York qərarlaşıb. Şəhərdə 123 milyarder var, il ərzində onların sayı 13 nəfər artıb. Nyu-Yorkun keçmiş meri, biznesmen və xeyriyyəçi Maykl Blumberq şəhərin ən varlı sakinidir, onun sərvəti 105 milyard dollar təşkil edir.

Liderlərin üçlüyünü 72 milyarderlə Honkonq tamamlayır. Şəhərdə onların sayı il ərzində iki nəfər azalıb.

Dördüncü yerdə London, beşinci yerdə Pekin, altıncı yerdə Mumbay, yeddinci yerdə isə Sinqapur qərarlaşıb.

Şanxay və San-Fransisko səkkiz və doqquzuncu sıranı bölüşürlər, 10-cu sətirdə isə Los-Anceles yer alıb.

Telegramda izləyin