Yaponiyada insan daşıya bilən robot icad edildi - VİDEO

Yaponiya texnologiya nəhəngi "Kawasaki" robototexnika sahəsində sərhədləri aşan yeni layihəsi ilə gündəmdədir.

Ölkə.az xəbər verir ki, şirkət təkcə yerişi ilə deyil, həm də insan daşıma qabiliyyəti ilə diqqət çəkən dördayaqlı robot "Corleo"nu təqdim edib.

Ənənəvi robot it dizaynlarından kənara çıxan "Corleo" güclü quruluşu sayəsində insanı kürəyində daşıya bilir. Həm sənaye istifadəsi, həm də gündəlik həyat üçün hazırlanmış bu yüksək texnologiyalı robot xüsusilə dar məkanlarda və çətin ərazilərdə effektiv hərəkətlilik təklif edir.

"Corleo"nun ən diqqət çəkən xüsusiyyəti hidrogen yanacağı ilə işləməsi və insanları daşıyacaq qədər güclü bir quruluşa sahib olmasıdır. Bu yolla "Corleo" həm ekoloji cəhətdən təmiz texnologiyalara, həm də inkişaf etmiş daşıma qabiliyyətinə malik nadir robotlardan biridir.

Bildirilir ki, "Corleo" təkcə robototexnika layihəsi deyil, həm də gələcəkdə şəhər hərəkətliliyinin bir hissəsi ola bilər. Xüsusilə yaşlı insanlar və ya hərəkət qabiliyyəti məhdud olanlar üçün şəxsi nəqliyyat vasitəsi olmaq potensialına malikdir.

Şirkət rəsmiləri robotun hələ də inkişaf mərhələsində olduğunu və yaxın gələcəkdə əlavə sınaqlardan keçəcəyini açıqlayıb. Bu texnologiya dünyasında təkcə robot deyil, həm də insan həyatını asanlaşdıracaq ağıllı köməkçi kimi görünür.

Telegramda izləyin