Şri Lankada silahlı şəxs kilsəyə tərəf atəş açıb

Şri Lankanın şimal-şərqindəki Manampitiya şəhərində silahlı şəxs kilsəyə doğru atəş açıb.

"Report" "Times of India"ya istinadən xəbər verir ki, atışma aprelin 18-də axşam paytaxt Kolombodan 160 km şimal-şərqdə yerləşən Manampitiyadakı kilsədə baş verib.

Polisin məlumatına görə, atəş nəticəsində pəncərərin şüşəsi sınıb, insan itkisi yoxdur. Şübhəli şəxs saxlanılıb. İlkin məlumata görə, hücumun səbəbi şəxsin pastora qarşı şəxsi düşmənçiliyi olub.

İnsident 2019-cu ildə Pasxa bazar günündə 279 nəfərin, o cümlədən 45 əcnəbinin ölümünə və 500-dən çox insanın yaralanmasına səbəb olan terror hücumların altıncı ildönümü ərəfəsində ölkə daxilində kilsələrdə təhlükəsizlik tədbirlərinin gücləndirilməsi fonunda baş verib.

Qeyd edək ki, 6 il əvvəlki hadisələrdən sonra hərbçilər və polis bayram günlərində mütəmadi olaraq dini obyektlərdə patrul çəkir.

Telegramda izləyin