Bu ölkədə bütün süni qida boyaları qadağan edilir

Neft əsaslı bütün süni qida boyaları qida tədarük zəncirindən çıxarılır.

Ölkə.Az xarici KİV-ə istinadla xəbər verir ki, bu barədə ABŞ Səhiyyə və Humanitar Xidmətlər Nazirliyi və Qida və Dərman Administrasiyasının yeni qərar qəbul edib.

Qərarı ABŞ-nin səhiyyə naziri Robert Kennedi açıqlayıb.

Qeyd edilib ki, ABŞ Qida və Dərman İdarəsi (FDA) boyaların yaratdığı ciddi sağlamlıq problemlərinə görə, uşaqlar üçün hazırlanan rəngli şirniyyat və qəlyanaltılarda istifadə edilən sintetik neft əsaslı qida boyalarını qadağan edilir.

Rəsmilər gələn ilin sonuna qədər "Qırmızı № 40" daxil olmaqla, qalan 6 süni qida boyasını ABŞ-nin ərzaq məhsullarından çıxarmağı planlaşdırdıqlarını açıqlayıb.

Qeyd edək ki, yanvarda FDA neftdən hazırlanmış və bəzi qidalarda və dərmanlarda istifadə edilən doqquz sintetik boyadan biri olan №3 qırmızı boya üçün icazəni ləğv etmişdi.

Səlahiyyətlilər yaxın aylarda digər iki – "Citrus Red No 2" və "Orange B" sintetik qida boyalarının lisenziyasını ləğv etmək planlarını da açıqlamışdı.

Telegramda izləyin