Tələbələr rektoru tanımadı, "dayı" deyə xitab etdilər - VİDEO

Gümüşhanədə təhsil alan bir qrup universitet tələbəsi yataqxanalarına getmək üçün avtostop ediblər.

Sonxeber.az türk mediasına istinadən xəbər verir ki, onlara yardım etmək məqsədilə dayanan avtomobilə minən tələbələr, sürücünün Gümüşhanə Universitetinin rektoru Prof. Dr. Oktay Yıldız olduğundan xəbərsiz halda onunla səmimi söhbətə başlayıblar və ona "dayı" deyə müraciət ediblər.

Söhbət zamanı rektor tələbələrə oxuduqları ixtisas, şəhərlə bağlı təəssüratları və universitetdən məmnunluqları barədə suallar verib. Sonda isə onlardan universitetin yeni rektorunu tanıyıb-tanımadıqlarını soruşub. Avtomobilin ön oturacağında əyləşən və Gümüşhanədə Kompüter Proqramlaşdırması ixtisası üzrə I kursda oxuyan Diyarbakırdan olan tələbə Kadir rektoru tanımadığını deyib. Bu cavabdan sonra Prof. Dr. Oktay Yıldız universitetin yeni rektorunun elə özü olduğunu bildirib.

Bu açıqlama tələbələrdə böyük təəccüb doğurub. Kadir isə həyəcanla rektora "Dayı rektorum" deyə müraciət edib və bu sözlər avtomobildəki digər sərnişinlərin gülüşünə səbəb olub. Hadisə avtomobildə olan tələbələrdən biri tərəfindən mobil telefon kamerası ilə qeydə alınıb.

Telegramda izləyin