İncilin əvvəllər məlum olmayan fraqmenti tapıldı

Vatikan Kitabxanasının arxivində üzərində üçqat yazılmış mətnin altında İncilin əvvəllər məlum olmayan fraqmentini gizlədən qədim əlyazma aşkar edilib. Tapıntının 1.5 min əvvəl yazıldığı təxmin edilir.

Oxu.Az "New Testament Studies" nəşrinə istinadən xəbər verir ki, bu mətn müqəddəs yazının daha çox Peşitta kimi tanınan qədim süryani versiyası ilə bağlı olan ən qədim tərcüməsinin bir hissəsidir. Bu versiyanın yalnız iki əlyazması günümüzə qədər gəlib çatıb, lakin hər ikisində bəzi fraqmentlər çatışmır.

Lakin kəşfin əsas dəyəri Matveyin İncilinin 12-ci fəslinin təfsirini kanonik yunan mətni ilə müqayisə etmək imkanındadır. Tədqiqatçılar qeyd ediblər ki, süryani nəşrində ayrı-ayrı epizodların geniş təsvirləri var. Məsələn, burada Məsihin apostolları ilə şənbə günü əkin tarlalarından keçməsi hekayəsi daha ətraflı təsvir edilir.

Artefakt VI əsrin birinci yarısına aiddir. Alimlər xatırladıblar ki, həmin dövrdə perqament son dərəcə bahalı material olaraq qalırdı və bu, səhifələrin təkrar istifadəsi praktikasını izah edir: əvvəlki qeydlər üzərində yeni mətnlər yazılırdı.

Telegramda izləyin