Alimlərdən şok KƏŞF - 40 ildən sonra Yer kürəsində buz dövrü başlayacaq

Rus və Finlandiya alimləri qeyd ediblər ki, Yer kürəsində hər 300-400 ildən bir əhəmiyyətli soyuqluqlar olur.

BAKU.WS xəbər verir ki, bu kəşf Rusiya Elmlər Akademiyasının Kola Elm Mərkəzinin (KSC RAS) və Finlandiyanın Təbii Sərvətlər İnstitutunun mütəxəssisləri tərəfindən Geosciences jurnalında dərc olunub.

Mütəxəssislər 7600 il ərzində ağac halqalarının xronologiyasını təhlil etdilər və süni intellektdən istifadə edərək, 2063-2073-cü illərdə yeni soyuqların gözlənildiyini müəyyən etdilər. Rusiya Elmlər Akademiyasının aparıcı elmi işçisi Yelena Kasatkina aydınlıq gətirib ki, bu, ekstremal hava və sosial təlatümlə müşayiət olunan kiçik buz dövrünə səbəb ola bilər.

Alimlər qeyd ediblər ki, tarixi nümunələr (1645–1715 və 1310–1370) belə dövrlərin ciddiliyini təsdiq edir. Tədqiqatçılar əlavə edib ki, soyuqlar günəş minimumları və vulkan püskürmələri ilə əlaqələndirilir.

Telegramda izləyin