"Efirə cırıq şalvarla getməyə normal baxıram" - 70 yaşlı Səməd Səmədov

Səməd Səmədov gənc ifaçıları tənqid etdi: "Onları təqdim etməyə utanıram"

Xalq artisti Səməd Səmədov gənc ifaçıları tənqid edib.

Sonxeber.az-ın məlumatına görə, xalq artisti Səməd Səmədov "Hər şey daxil" verilişində bildirib ki, gənc ifaçıların bəziləri geyimlərinə diqqət etmirlər:

"Birdən məclis aparıram, hamı gözəl geyimdə gəlir. Birdə görürsən tanınmış müğənnilərdən biri cins şalvar, adi köynəkdə gəlib. Cinsin də, köynəyin də, idman ayaqqabısının da öz yeri var. Amma el şənliyinin öz yeri var. Kostyumda, səliqəli şalvarda olmalısan. Məşhur, yeniyetmə müğənni elə gündə gəlir ki, onu toyda təqdim etməyə utanıram. Efir, toy, adi həyat başqadır. Efirə cırıq şalvarla da gələ bilərsən, buna normal baxıram. Şou-biznesimiz yüksək səviyyədədir. Bunun təməlini Aygün Kazımova, Brilliant Dadaşova, Faiq Ağayev, Zülfiyyə Xanbabayeva qoyub. Onlar indi xalq artistləridir".

Telegramda izləyin

instagramda izləyin