"WhatsApp" mesajlarının qorunmasının yaratdığı fəsad aşkarlanıb

"WhatsApp" messencerində və "Meta" şirkətinin digər məhsullarında mesajların məxfiliyinin qorunması məqsədilə şifrələnməsi itkin düşən və ya problemlərlə üzləşən uşaqlar barədə siqnallar almaq imkanını azaldıb.

Oxu.Az NBC telekanalına istinadla xəbər verir ki, bu barədə ABŞ-nin Uşaqların İstismarı ilə Mübarizə Təşkilatı məlumat yayıb.

Belə ki, yazışmaların qorunması hüquq müdafiəçilərinin və hüquq-mühafizə orqanları əməkdaşlarının cinayətkarları aşkarlamaq imkanlarını azaldıb.

Təşkilatın məlumatında deyilir ki, ötən il ərzində uşaqların hüquqlarının mümkün pozulmasına dair təqribən 29.2 milyon siqnal alınıb ki, bu da əvvəlki illə müqayisədə 19% azdır.

Bildirilir ki, yazışmaların məxfiliyinin qorunması uşaqların və cinayətkarların olduğu platformalarda məlumatların şifrələnməsinə gətirib çıxarır.

Telegramda izləyin