Gürcüstanda hansı qaydalar sərtləşdirilir? - Əcnəbilərin işi çətinləşir

Gürcüstanda əcnəbilər və vətəndaşlığı olmayan şəxslərə qanun pozuntularına görə tətbiq edilən cərimələr artırılır.

Qanunvericilik dəyişiklikləri layihəsinə əsasən, bir sıra qayda pozuntularına görə cəza tədbirləri sərtləşdirilir və yeni cəza növü - ölkədən çıxarılma, müəyyən müddətə giriş qadağası tətbiq olunacaq.

Politoloq Levan Mamaladzenin sözlərinə görə, statistik göstəricilərə əsasən, Gürcüstana gələn xarici vətəndaşların sayı artır. Onlar arasında vətənlərinə qayıtmayan və uzun müddət burada qalanlar da çoxdur:

"Miqrantların çoxalması ölkəmiz üçün təhlükə mənbəyinə çevrilir. Bu gün Gürcüstan xarici qüvvələrin diqqət mərkəzində qalmaqdadır. Onların ölkədə bir sıra maraqları var ki, məqsədlərinə çatmaq üçün müxtəlif üsullara əl atırlar. Xarici vətəndaşların radikal etirazçılara qoşulması, xaricdən maliyyələşən QHT-lərin təşkil etdiyi müxtəlif hökumət əleyhinə tədbirlər və bu kimi digər vasitələrdən sıx-sıx istifadə etdiklərinin şahidi oluruq. Gürcüstan hökuməti isə bütün bunların qarşısını layiqincə alır və almağa da davam edəcək".(oxu.az)

Telegramda izləyin