Demokratlar: "Qətərin Trampa milyonlarla dollarlıq təyyarə hədiyyə etməsi araşdırılmalıdır"

ABŞ nümayəndələr palatasının üzvü, Demokratların nümayəndəsi Riçi Torres Donald Tramp administrasiyasının Qətər kral ailəsindən bahalı "Boeing 747-8" təyyarəsini hədiyyə kimi qəbul etmək planını araşdıracağını açıqlayıb.

Oxu.Az xəbər verir ki, bu barədə "Axios" məlumat yayıb.

Riçi Torres bildirib ki, dəyəri 400 milyon dollar olan təyyarə xarici dövlət tərəfindən ABŞ rəhbərliyinə verilən ən qiymətli hədiyyə olacaq.

R.Torres belə bir hədiyyənin federal etika qaydalarını və ya ABŞ Konstitusiyasının müddəalarını pozub-pozmadığına dair məsələnin araşdırılmasını tələb edib.

06:02

ABŞ Prezidenti Donald Trampın administrasiyası Qətər kral ailəsindən "Boeing 747-8" təyyarəsini hədiyyə kimi qəbul etməyə hazırlaşır.

Oxu.Az ABC telekanalına istinadən xəbər verir ki, bu, "ABŞ-yə xarici hökumət tərəfindən indiyə qədər edilmiş ən dəyərli hədiyyə" olaraq qiymətləndirilir.

Telekanalın məlumatına görə, Qətər təyyarəni gələn həftə təhvil verə bilər.

Qeyd edilib ki, Tramp artıq fevral ayında Uest-Palm-Biç aeroportuna enən təyyarəni yoxlayıb.

Bildirilir ki, təyyarə "uçan saray" xüsusiyyətlərinə malikdir və yeni prezident təyyarəsi kimi xidmət edəcək.

Telegramda izləyin