May ayının qar sürprizi: Şəhər mərkəzi ağ örpəyə büründü - VİDEO

Qar və soyuq iqlimi ilə tanınan Ərzurumda may ayında yağan qar sakinləri o qədər də təəccübləndirmədi.

Sonxeber.az türk mediasına istinadən xəbər verir ki, gecə saatlarında başlayan yağış, səhər saatlarına yaxın qar yağışına çevrildi.

Lopa-lopa yağan qar, xüsusilə yüksək ərazilərlə yanaşı, şəhər mərkəzini də ağ örpəyə bürüdü. Qar yağışı səbəbindən nəqliyyatda qismən çətinliklər yaşanıb. Sakinlər isə gözlənilməz hava şəraitinə görə çətirlərindən istifadə etməyə məcbur qalıblar.

May ayında bu cür hava şəraiti nadir hallarda rast gəlinən mənzərə yaratsa da, bölgə sakinləri üçün artıq adi hal hesab olunur.

Telegramda izləyin