Tramp tamamilə yeni bir söz icad etdiyini dedi

ABŞ Prezidenti Donald Tramp tamamilə yeni bir söz - "equalise" (bərabərləşdirmək) icad etdiyini iddia edib.

Oxu.Az xəbər verir ki, bu barədə o, reseptli dərmanların qiymətlərini Avropa ölkələrinin səviyyəsinə endirmək planını təqdim edərkən danışıb. Məlumat "Mirror" nəşrinə istinadla verilib.

"Əslində bizim etdiyimiz şey bərabərləşdirmədir. Bu, mənim icad etdiyim yeni bir sözdür və yəqin ki, ən yaxşı sözdür. Hamımız eyni məbləği ödədiyimiz zaman bərabərləşəcəyik. Biz Avropanın ödədiyi qədər ödəyəcəyik", - deyə ABŞ prezidenti çıxışı zamanı qürurla bildirib.

Lakin sayıq vətəndaşlar Trampın "equalise" sözünün müəllifliyini özünə aid etməklə ciddi səhvə yol verdiyini tezliklə ortaya çıxarıblar. Belə ki, bu söz ingilis dilində hələ XV əsrin sonlarından məlumdur. Beləliklə, Trampın "icad etdiyi" söz əslində 500 ildən artıqdır ki, dilin aktiv leksikasında mövcuddur.

Telegramda izləyin